Yamal bu göstəricidə “böyük beşliy”in ən yaxşısıdır

“Barselona”nın futbolçuları Lamin Yamal və Rafinya Dias mövsümə əla start veriblər ki, bunu statistika da təsdiqləyir.

Komanda.az “Squawka”-ya istinadən xəbər verir ki, 17 yaşlı Yamal oyunda yaradılan dəqiq qol şanslarının sayına görə (9) beş aparıcı Avropa çempionatına başçılıq edir.

İkinci yerdə “Barselona”nın digər futbolçusu Rafinya (8) qərarlaşıb.

“Çelsi”nin yarımmüdafiəçisi Koul Palmer ilk üçlüyü (7) tamamlayır.

Reytinqdə dördüncü yeri “Arsenal”dan Bukayo Saka və Frankfurt “Ayntraxt”ından Omar Marmuş bölüşürlər.

Yamalın cari La Liqada 4 qol və 5 məhsuldar ötürməsi, Rafinyanın isə 5 qol və 5 məhsuldar ötürməsi var. Hər iki oyunçu 9 oyun keçirib.