“Barselona”nın ətrafında həmişə çoxlu söz-söhbətlər olacaq” – Deku

“Barselona”nın idman direktoru Deku baş məşqçi Xavinin mümkün qovulması ilə bağlı yayılan xəbərlərə münasibət bildirib.

Komanda.az “Barca Center”-ə istinadən xəbər verir ki, Deku, klubun ətrafında hər zaman çoxlu söz-söhbətlərin olacağını bildirib:

“Barselona”nın ətrafında həmişə çoxlu söz-söhbətlər olacaq. Biz Xavi ilə müqaviləni yeniləsək, bu, ona güvəndiyimiz mənasına gəlir”.

Daha əvvəl bildirilirdi ki, ispaniyalı mütəxəssis Çempionlar Liqasında “Portu” ilə matçda xal itirərsə, qovula bilər. Dünən “Barselona” “Portu”ya qalib gələrək, Çempionlar Liqasının 1/8 finalına yüksəlib.