“Barselona” almaniyalı məşqçi ilə danışıqlar aparıb

Almaniya millisinin sabiq baş məşqçisi Hans-Diter Flik “Barselona”ya rəhbərlik edə bilər.

Komanda.az “Bild” nəşrinə istinadən xəbər verir ki, 58 yaşlı mütəxəssis artıq ispan dilini öyrənməyə başlayıb. O, kataloniyalıların “sükanı arxasına” keçmək variantını müsbət qarşılayıb. Lakin tərəflər hələlik şifahi danışıqla kifayətləniblər. Flik sonuncu dəfə 2021-2023-cü illərdə Almaniya yığmasını çalışdırıb.

“Barselona”nın hazırkı baş məşqçisi Xavi mövsümün sonunda komandadan ayrılacağını açıqlayıb.