Flik kapitanlıq məsələsi haqda: “Fikir vermədim”

“Barselona”nın baş məşqçisi Hans-Diter Flik “Las Palmas”la son oyundakı (1:2) vəziyyəti şərh edib.

Rafinya Dias komandanı kapitan kimi ilə oyuna çıxarıb, lakin o, ənənəvi olaraq sarğını ikinci hissədə meydana daxil olan Frenki de Yonqa təhvil verməli olduğu halda bunu etməyib.

Komanda.az xəbər verir ki, Flik bu gün keçiriləcək “Malyorka” ilə oyundan öncəki mətbuat konfransında buna fikir vermədiyini bildirib:

“Düzünü desəm, buna fikir vermədim. Bunun xüsusi bir səbəbi yox idi, Almaniyada biz adətən matç zamanı sarğı təhvil vermirik. Nə baş verdiyini dəqiq bilmirəm”.

“Barselona” bu gün səfərdə “Malyorka”nın qonağı olacaq. Matçın start fiti saat 22:00-da səslənəcək.