“Barselona”dan “Yuventus”a: De Liqti ver, Arturu al

İtaliyanın “Yuventus” klubunun müdafiəçisi Matteys de Liqt karyerasını İspaniya La Liqasında davam etdirə bilər.

Komanda.az İspaniya mətbuatına istinadən xəbər verir ki, “Barselona” 20 yaşlı futbolçunu heyətinə qatmaq niyyətindədir. Kataloniya klubu bu keçidi reallaşdırmaq üçün danışıqlara futbolçusu Arturu daxil edəcək. İspaniya klubu de Liqtin müqabilində “Yuventus”a Arturu təklif etmək istəyir.

Cari mövsümdə iştirak etdiyi 23 oyunda 4 qolla yadda qalan Arturun klubla müqaviləsi 2024-cü ilin yayınadək nəzərdə tutulub. De Liqtin “Yuventus”la sözləşməsi də eyni tarixədək keçərlidir.