“Barselona”dan yeni transfer – Rəsmi

“Barselona” “Jirona”nın yarımmüdafiəçisi Oriol Romeunu transfer edib.

Komanda.az klubun rəsmi saytına istinadən xəbər verir ki, kataloniyalılar 31 yaşlı ispaniyalı ilə 3 illik müqavilə imzalayıb.

Sözləşmədə onun 400 milyon avroluq sərbəstqalma məbləğinin mövcud olduğu haqda bənd də yer alıb.

“Barsa”nın yetirməsi olan Romeu 2022/23 mövsümündə “Jirona”nın heyətində 36 oyun keçirib, 2 məhsuldar ötürmə edib.