“Barselona”dan müdafiəçisi ilə yeni müqavilə

İspaniyanın “Barselona” klubu müdafiəçisi Jerar Martinlə müqaviləni yeniləyib.

Komanda.az xəbər verir ki, bu barədə klubun mətbuat xidməti məlumat yayıb.

22 yaşlı futbolçu ilə yeni müqavilənin müddəti 2028-ci ilə qədər nəzərdə tutulub.

Martin bu mövsüm “Barselona”nın heyətində bütün turnirlərdə 18 matça çıxıb və 2 məhsuldar ötürmə ilə yadda qalıb.

Xatırladaq ki, “Barselona” Jerardan öncə digər müdafiəçisi Ronald Arauxo ilə də yeni müqavilə imzalandığını açıqlamışdı.