“Böyük oyunçular İspaniya futboluna geri qayıdacaq” – Messi

“Barselona”dan ayrılaraq PSJ ilə müqavilə imzalayan Lionel Messi İspaniyanın “El Pais” nəşrinə müsahibə verib.

Komanda.az xəbər verir ki, argentinalı hücumçu, son illərdə ulduz futbolçuların La Liqanı tərk etməsi ilə bağlı fikirlərini bölüşüb:

“La Liqada vacib olan komandalardır. “Barselona”, “Real”, “Sevilya”, “Valensiya” və “Atletiko” hələ ordadır. Bunların hamısı böyük klublardır. Futbolçular getsə də, klublar qalır. La Liqa hələ də böyükdür.

Məndən əvvəl də bir çox ulduz futbolçular İspaniyanı tərk etmişdi, ancaq klublar nəticə əldə etməyə davam etdilər. Bu vəziyyət “Real” və “Barselona”ya təsir edəcək, ancaq onlarda bir neçə ildən sonra hər şey yoluna düşəcək. Böyük oyunçular İspaniya futboluna geri qayıdacaq”.