“Barselona”dan getmək istəmir

“Barselona”nın hücumçusu Memfis Depay klubdakı gələcəyi ilə bağlı fikirlərini bölüşüb.

Komanda.az İspaniya mətbuatına istinadən xəbər verir ki, o, Kataloniya klubunda qalmaq istədiyini deyib:

“Komandada qalmaq istərdim? Bəli. Mövsüm gözlənildiyi kimi getmədi. Lionel Messi getdi, bu, sürpriz oldu. Yanlış vaxtda zədə aldım, buna görə çoxlu oyun buraxdım”.

Bir müddət öncə “Barselona”nın komandanı gücləndirib, vəsait toplamaq üçün 28 yaşlı niderlandlı futbolçu ilə yollarını ayırmağa hazır olduğu bildirilmişdi.

Depayın klubla müqaviləsi 2023-cü ilin sonunda başa çatır. O, bu mövsüm La Liqada 27 oyunda 12 qol vurub və 2 məhsuldar ötürmə edib.