“Barselona”da Luis Suares şoku

İspaniya çempionu “Barselona” ciddi itki ilə üzləşib.

Komanda.az xəbər verir ki, Kataloniya təmsilçisi aparıcı futbolçusu Luis Suaresin xidmətindən məhrum olub. Bu barədə klubun rəsmi saytı məlumat yayıb.

Məlumatda bildirilir ki, uruqvaylı forvard dizindən əməliyyat olunacaq. Bu üzdən də o, mövsümün sonuna qədər meydana çıxa bilməyəcək.

“Barselona” La Liqa çərçivəsində keçirəcəyi son iki oyunda, həmçinin mayın 25-də keçiriləcək İspaniya kubokunun “Valensiya” ilə həlledici qarşılaşmada Suaresin xidmətindən yararlana bilməyəcək.

Qeyd edək ki, 32 yaşlı forvard bu mövsüm müxtəlif turnirlərdə Kataloniya klubu ilə 49 oyuna çıxıb və 25 qol vurub.