“Barselona”da “el-klasiko”dan əvvəl ağır itki

“Barselona”nın hücumçusu Robert Levandovski zədələnib.

Komanda.az Kataloniya klubunun rəsmi “tvitter” hesabına istinadən xəbər verir ki, 35 yaşlı polşalı futbolçunun əzələsində problem aşkarlanıb.

O, martın 2-də, Madriddə “Real” qarşı keçirəcəkləri İspaniya kubokunun ilk yarımfinal oyununu buraxacaq.

Levandovskinin martın 19-da, La Liqanın 26-cı turunda, elə “Real”la oyunda yaşıl meydana dönəcəyi gözlənilir.

“Barselona” ilə “Real” arasında kubokun cavab görüşü aprelin 5-də keçiriləcək.