“Barselona” 5 milyon avroluq oyunda məğlub olub

“Barselona” ilə “Amerika” arasında yoldaşlıq oyunu keçirilib.

Komanda.az xarici KİV-ə istinadən xəbər verir ki, Dallasda “Kotton Boul” stadionunda keçirilən görüş Meksika klubunun 3:2 hesablı qələbəsi ilə başa çatıb. “Barselona”nın qollarını Lamin Yamal və Mark Giu vurub.

Daha əvvəl bildirilib ki, Kataloniya klubu “Amerika” ilə matç sayəsində təxminən 5 milyon avro qazana bilər.

“Barselona” La Liqada 38 xalla üçüncü pillədə qərarlaşıb.