“Barselona” yeni transferini qeydiyyatdan keçirib

“Barselona” klubu yarımmüdafiəçi Dani Olmonu qeydiyyatdan keçirib.

Komanda.az xarici KİV-ə istinadən xəbər verir ki, ispan futbolçu rəsmi oyun üçün ilk dəfə olaraq Kataloniya komandasının heyətinə daxil edilib.

Olmo bu gün İspaniya çempionatının üçüncü turunun “Rayo Valyekano”ya qarşı matçında “Barsa”nın heyətində debüt edə bilər.

26 yaşlı futbolçu yay transfer pəncərəsində 2031-ci ilin yayına qədər olan müqavilə bağlayaraq, “Barselona”nın sıralarına qoşulub. Mətbuatda yayılan xəbərlərə görə, Kataloniya klubu Avropa çempionu üçün “Leyptsiq”ə 55 milyon avro ödəyib.

“Rayo Valyekano” – “Barselona” matçı saat 23:30-da başlayacaq.