![](https://komanda.az/wp-content/uploads/2022/07/IMG_20220729_233744.jpg)
“Barselona” yeni transferinə 1 milyard avro qiymət qoydu
“Barselona” rəsmi saytında “Sevilya”nın müdafiəçisi Jül Kunde ilə müqavilə imzaladığını açıqlayıb.
Komanda.az xəbər verir ki, 23 yaşlı futbolçu Kataloniya klubu ilə 5 illik müqavilə imzalayıb. Onun təzminat məbləği 1 milyard avro olacaq.
Futbolçunun rəsmi təqdimat mərasimi avqustun 1-də baş tutacaq.
İyulun 28-də “Barselona” “Sevilya” ilə Kundenin transferi ilə bağlı prinsipial razılığa gəldiyini açıqlayıb.
Kunde ötən mövsüm “Sevilya”nın heyətində 44 oyuna çıxıb, 3 qol vurub və 1 məhsuldar ötürmə edib.
Bizi Telegramda izləyin
Bizi Facebook-da izləyin