“Barselona” niderlandlı müdafiəçi ilə maraqlanır

“Barselona” müdafiə xəttini yüksək səviyyəli müdafiəçi ilə gücləndirə bilər.

Komanda.az xarici KİV-ə istinadən xəbər verir ki, Kataloniya klubu “Liverpul”un müdafiəçisi Vircil van Daykla maraqlanır. Klub bu mövsümün sonunda, oyunçu azad agentə çevrildiyi zaman transferi rəsmiləşdirməyi gözləyir. “Barselona” Van Daykı uruqvaylı futbolçu Ronald Arauxonun əvəzləyicisi kimi görür.

33 yaşlı müdafiəçi bu mövsüm “Liverpul”un heyətində 32 oyuna çıxıb və 3 qol vurub.