“Barselona” Yamaldan asılıdır?

“Barselona”nın “Real Sosyedad”a məğlubiyyətindən (0:1) sonra mətbuat Hans-Diter Flikin komandasının Lamin Yamaldan asılılığından danışmağa başlayıb.

Komanda.az xarici KİV-ə istinadən xəbər verir ki, Kataloniya komandası bu mövsüm La Liqada ikinci dəfə qalib gələ bilməyib ki, hər iki halda Yamal start heyətində olmayıb. Qalan 11 görüşdə 17 yaşlı futbolçu ilk dəqiqələrdən meydana çıxıb və hər birində qələbə qazanılıb.

Yamal yüngül zədə səbəbindən “Real Sosyedad”la oyunu buraxıb.