“Barselona” ilə “Liverpul” portuqaliyalını istəyir

“Vulverhempton”un yarımmüdafiəçisi Ruben Neves iş yerini dəyişə bilər.

Komanda.az “Football Insider”-ə istinadən xəbər verir ki, 26 yaşlı futbolçu “Liverpul”un maraq dairəsindədir. 2022/23 mövsümü üzrə İspaniya çempionu “Barselona” da portuqaliyalının keçidini reallaşdırmaq niyyətindədir.

Neves cari mövsümdə Premyer Liqa klubunun heyətində bütün turnirlər daxil olmaqla 40 oyuna çıxıb, altı qol vurub və bir məhsuldar ötürmə edib.