“Barselona” Uilyamsı transfer edə bilməsə…

“Barselona” “Leyptsiq”dən yarımmüdafiəçi Dani Olmonun transferi üzərində işləməyə davam edir.

Komanda.az “Mundo Deportivo”-ya istinadən xəbər verir ki, Allmaniya klubu “Barsa”ya ispaniyalı futbolçunu yalnız 60 milyon avro təzminat qarşılığında buraxacaqlarını açıqlayıb.

“Barselona” bu yay bir böyük transferi tamamlaya bilər. Kataloniyalılar Bilbao “Atletik”indən hücumçu Niko Uilyamsı ala bilməsələr, bütün səylər 26 yaşlı yarımmüdafiəçinin transferinə sərf olunacaq.

Olmo son Avropa çempionatında 3 qol vuraraq, İspaniya yığmasının qızıl medallar qazanmasına kömək edib. O, “Barselona”nın yetirməsidir.