“Barselona”ya çox təzyiq etmək lazım deyil” – Messi

“İnter Mayami”nin hücumçusu Lionel Messi karyerasının böyük hissəsində şərəfini qoruduğu “Barselona”ya münasibətindən danışıb.

Komanda.az “Mundo Deportivo”-ya istinadən xəbər verir ki, o, Kataloniya klubunun Çempionlar Liqasını qazanacağına şübhəsi olmadığını bildirib:

“Əlbəttə, mən “Barselona”nı izləyirəm. Bu, mənim sevdiyim və ömrümün sonuna qədər sevəcəyim klubdur. Onların əla komandası var. Onlar Çempionlar Liqası uğrunda mübarizə aparmağa hazırdırlar. “Barsa”nın Çempionlar Liqası mükafatına namizəd olmasına şübhəm yoxdur. Sadəcə, kluba çox təzyiq etmək lazım deyil”.

Oktyabrın 30-da Fransanın “France Football” qəzeti tərəfindən keçirilən son mövsümün mükafatlandırma mərasimində səsvermənin nəticələrinə əsasən, “qızıl top” mükafatının qalibi Messi olub. Bu, argentinalı hücumçunun karyerasında səkkizinci belə mükafat olub.