Braziliya klubundan “Barselona”ya 27 milyon avroluq təklif

“Betis”də icarə əsasında çıxış edən “Barselona”nın hücumçusu Vitor Roke kataloniyalıları daimi olaraq tərk edə bilər.

Komanda.az “Diario Sport”-a istinadən xəbər verir ki, “Palmeyras” braziliyalı oyunçu üçün “Barselona”ya 27 milyon avro və onun növbəti satışının 20 faizini təklif edib.

Keçən ilin sonunda 19 yaşlı futbolçunu transfer etmək üçün “Tottenhem”in favorit olduğu bildirilirdi, ancaq o vaxtdan bəri heç bir dəyişiklik olmayıb.

Roke bu mövsüm “Betis”in heyətində 27 oyun keçirib, 7 qol vurub və 2 məhsuldar ötürmə edib. “Barselona” 2024-cü ilin yanvarında onun üçün 30 milyon avro ödəmişdi.