“Barselona”nın prezidentindən Messi ilə bağlı açıqlama

İspaniyanın “Barselona” klubunun prezidenti Xosep Maria Bartomeu komandanın hücumçusu Lionel Messi ilə bağlı açıqlama verib.

Komanda.az İspaniya mətbuatına istinadən xəbər verir ki, klub rəhbəri, argentinalı futbolçunun gələcək karyerası ilə bağlı bunları deyib:

“Messi dünyanın ən yaxşı futbolçusudr. Onunla bağlı hansısa açıqlama verməyə ehtiyac yoxdur. O, bizim üçün oynamağa davam edəcək və karyerasını klubumuzda bitirəcək. Onun özünü klubda yalnız hiss etdiyi ilə bağlı söhbətlər həqiqəti əks etdirmir. Bilirəm, hazırda hər kəs bu barədə danışır, amma belə bir halın olduğunu hesab etmirəm”.

Kataloniya klubu ilə müqaviləsi 2021-ci ilin iyulunadək nəzərdə tutulan Messinin komandadan ayrılmaq haqqında düşündüyü deyilirdi.