“Barselona” uruqvaylı hücumçuyla maraqlanır

“Barselona” Portuqaliyanın “Benfika” klubunun hücumçusu Darvin Nuneslə maraqlanır.

Komanda.az xəbər verir ki, bu barədə İspaniyanın “sport.es” saytı məlumat yayıb. Xəbərdə, Kataloniya klubunun 21 yaşlı futbolçunu transfer etmək istədiyi bildirilib.

“Barselona” skautları qış transfer pəncərəsi dövrünə qədər Nunesi yaxından izləyəcək.

Uruqvay milli komandasına da dəvət alan Nunes, “Benfika” ilə bu mövsüm 13 oyunda 6 qol vurub.