“Barselona” Pedri ilə bağlı qərar verib

“Barselona”nın idman direktoru Deku komandanın ispaniyalı yarımmüdafiəçisi Pedrinin klubdakı gələcəyindən danışıb.

Komanda.az xarici KİV-ə istinadən xəbər verir ki, klub rəsmisi Pedrinin nümayəndələri ilə danışıqlara artıq başlanıldığını bildirib:

“Klub onunla müqaviləni uzatmaq niyyətindədir. Biz bunun üzərində işləyirik. Pedrinin nümayəndələri ilə danışıqlara artıq başlanılıb”.

21 yaşlı futbolçunun “Barselona” ilə müqaviləsi 2026-cı ilin iyun ayının ortalarına qədərdir. Onun transfer dəyəri 80 milyon avro qiymətləndirilir.

Pedri La Liqanın cari mövsümündə 4 oyun keçirib, 1 qol vurub.