“Barselona” Reşforda görə əlavə pul ödəməyəcək

“Barselona” icarəyə götürdüyü Markus Reşfordu almayacağı halda “Mançester Yunayted”ə pul ödəməyəcək.

27 yaşlı forvard 2025/26 mövsümü üçün onu 30 milyon avroya almaq şərti ilə “Mançester Yunayted”dən icarəyə götürülüb.

Komanda.az “The Athletic”-ə istinadən xəbər verir ki, mediada yayılan şayiələrin əksinə olaraq, “Barselona” ingiltərəli futbolçunun satın alma şərtini aktivləşdirməmək qərarına gələrsə, müqavilədə 5 milyon avroluq cərimə ilə bağlı heç bir bənd yoxdur.

Reşfordun bu mövsüm “Barselona”da vergilərdən əlavə 14 milyon avro qazanacağı bildirilir. O, transferdən sonra maaşını azaltmağa razılaşıb.