“Real”dan qələbə, “Atletiko”dan xal itkisi

Koronavirus pandemiyasına görə martdan dayandırılan La Liqa bərpa olunub.

Komanda.az xəbər verir ki, 28-ci turun ilk oyun günündə bir qarşılaşma keçirilib. Əndəlüsün iki təmsilçisi – “Sevilya” və “Betis” klublarının duelindən birincilər qalib ayrılıblar.

“Qranada” doğma meydanda “Xetafe”dən üstün olub. “Valensiya” – “Levante” matçında isə qalib müəyyənləşməyib.

Lider “Barselona” bu turda “Malyorka” səfərinə yollanıb və 4 cavabsız qolla qalib gəlib.

Sonuncu oyun günündə üç qarşılaşma baş tutub. Madrid “Real”ı “Eybar”la ev oyunundan inamlı qələbə ilə ayrılıb. “Atletik” – “Atletiko” və “Real Sosyedad” – “Osasuna” matçlarında isə qalib müəyyənləşməyib.

Qarşılaşmalar koronavirus pandemiyasına görə azarkeşsiz keçirilib.

İspaniya La Liqası, 28-ci tur

11 iyun

Sevilya – Betis 2:0
Qol: Okampos, 56. Fernando, 62.

12 iyun

Qranada – Xetafe 2:1
Qol: C.Fernandes, 70; 79 – Timor, 20.

Valensiya – Levante 1:1
Qol: Rodriqo, 90 – Melero, 90+8-pen.

13 iyun

Espanyol – Alaveş 2:0
Qol: Bernardo, 45+3. Lei, 47.

Selta – Vilyarreal 0:1
Qol: Triqeros, 90+1.

Leqanes – Valyadolid 1:2
Qol: Oskar, 84-pen – E.Ünal, 2. Alkaras, 54.

Malyorka – Barselona 0:4
Qol: Vidal, 2. Breytveyt, 37. Alba, 80. Messi, 90+3.

14 iyun

Atletik – Atletiko 1:1
Qol: Muniain, 37 – D.Kosta, 39.

Real – Eybar 3:1
Qol: Kroos, 4. S.Ramos, 30. Marselo, 37 – Biqas, 60.

Real Sosyedad – Osasuna 1:1
Qol: Oyarzabal, 61 – Adrian, 29-pen.

Bombardir: Lionel Messi (Barselona) – 20 qol.