11 zərbə vurasan, heç biri qol olmaya

“Barselona” İspaniya La Liqasının 21-ci turu çərçivəsində “Valensiya”ya 0:2 hesabı ilə məğlub olub.

Komanda.az İspaniya mətbuatına istinadən xəbər verir ki, katalonların hücumçusu Lionel Messi bu oyunda anti-rekordla yadda qalıb. Belə ki, argentinalı hücumçu oyun ərzində rəqib qapısına 11 zərbə endirsə də, bu zərbələrin heç biri qol olmayıb. Sonuncu dəfə belə hal 2017-ci ildə baş verib. “Deportivo” ilə oyunda Messi rəqib qapısına 11 zərbə endirsə də, qol vura bilməmişdi.

La Liqada 21 turdan sonra 43 xal toplayan “Barselona” turnir cədvəlinin lideridir.