“Barselona” və “Liverpul” da 1/4 finalda

UEFA Çempionlar Liqasında 1/8 final mərhələsinin cavab oyunlarına yekun vurulub.

Komanda.az xəbər verir ki, “Bavariya” doğma azarkeşləri önündə “Liverpul”u qəbul edb. Komandalar arasında İngiltərədə baş tutan görüşdə qolsuz bərabərlik qeydə alınmışdı. Münhen təmsilçisinin heyətində cəzalı Tomas Müller və Yosue Kimmih, zədəli olan Aryen Robben bu matçda iştirak edə bilməyib. “Liverpul”da isə Aleks Oksled-Çemberleyn və Co Qomes zədəliydi. Dörd qolun qeydə alındığı bu oyunda İngiltərə təmsilçisi səfərdə inamlı qələbə qazanaraq, 1/4 finala yüksəlib.

Günün digər qarşılaşmasında “Barselona” “Lion”u qəbul edib. Bu komandalar da Fransada keçirilən ilk oyunda qolsuz bərabərliyə razılaşmışdılar. Cavab görüşündə isə Kataloniya təmsilçisi darmadağına imza atıb və mərhələ keçib.

Dünən keçirilən qarşılaşmalarda “Yuventus” “Atletiko”nu 3:0, “Mançester Siti” isə “Şalke”ni 7:0 hesabıyla məğlub edərək, 1/4 finala yüksəlib.

Çempionlar Liqası, 1/8 final, cavab oyunları

13 mart

Bavariya (Almaniya) – Liverpul (İngiltərə) 1:3
Qol: Matip, 39-öz qapısına – Mane, 26; 84. Van Deyk, 69.
(ilk oyun – 0:0)
Baş hakim: Daniel Orsato (İtaliya)
Münhen. “Alyans Arena” stadionu

Barselona (İspaniya) – Lion (Fransa) 5:1
Qol: Messi, 18-pen; 78. Koutinyo, 31. Pike, 81 – Tuzar, 58. Dembele, 86.
(ilk oyun – 0:0)
Baş hakim: Şimon Marçinyak (Polşa)
Barselona. “Kamp Nou” stadionu

12 mart

Yuventus (İtaliya) – Atletiko (Madrid, İspaniya) 3:0
Qol: Ronaldo, 27; 48; 86-pen.
(ilk oyun – 0:2)
Baş hakim: Byörn Kuypers (Hollandiya)
Turin. “Yuventus” stadionu

Mançester Siti (İngiltərə) – Şalke (Almaniya) 7:0
Qol: Aquero, 35-pen; 38. Sane, 42. Sterlinq, 56. B.Silva, 71. Foden, 78. Q.Xesus, 84.
(ilk oyun – 3:2)
Baş hakim: Klemen Turpin (Fransa)
Mançester. “Ettihad” stadionu