“Barselona” Levandovskinin əvəzedicisi haqda düşünmür” – Deku

“Barselona”nın idman direktoru Deku Lissabon “Sportinq”inin hücumçusu Viktor Gyokeresin mümkün transferini şərh edib.

Komanda.az “Mundo Deportivo”-ya istinadən xəbər verir ki, portuqaliyalı funksioner, Gyokeresin əla futbolçu olduğunu bildirib:

“Gyokeres əla futbolçudur, “Sportinq” üçün çoxlu qollar vurub. Biz onu çox yaxşı tanıyırıq. Bununla belə, o, bizim prioritetimiz deyil. “Barselona” hazırda Robert Levandovskinin əvəzedicisi haqqında düşünmür”.

İsveçli forvardın transfer dəyəri 70 milyon avro qiymətləndirilir. 26 yaşlı hücumçunun “Sportinq”lə hazırkı müqaviləsi 2028-ci ilin ortalarına kimi hesablanıb.