“Barselona”nın İsak planı

“Nyukasl”ın hücumçusu Aleksander İsak İspaniya klubuna keçə bilər.

Komanda.az “CaughtOffside”-a istinadən xəbər verir ki, isveçli forvardla “Barselona” maraqlanır.

Kataloniya klubunun rəhbərliyi “Nyukasl”a futbolçularından birini və əlavə ödəniş təklif etməyi düşünür. Onlar 25 yaşlı futbolçunun özü ilə şəxsi şərtləri razılaşdırmağın mümkün olacağına şübhə etmir.

“Sağsağanlar” öz liderlərindən biri ilə ayrılmağı planlaşdırmır və yalnız imtina etmək mümkün olmayan təklif aldıqları halda, belə bir addım atacaqlar.

İsak cari mövsümdə “Nyukasl”ın heyətində 13 oyuna çıxıb, 5 qol vurub və 2 məhsuldar ötürmə edib.