“Barselona” Kvaratsxeliya ilə əlaqə saxlayıb

“Napoli”nin yarımmüdafiəçisi Xviça Kvaratsxeliya karyerasını İspaniyada davam etdirə bilər. 23 yaşlı futbolçu ilə “Barselona” maraqlanır.

Komanda.az “La Gazzetta dello Sport”-a istinadən xəbər verir ki, kataloniyalılar artıq gürcü yarımmüdafiəçi ilə əlaqə saxlayıb.

Xviça Kvaratsxeliya 2022-ci ilin iyulundan “Napoli”də çıxış edir. O, bu mövsüm 14 matçda iştirak edib, 5 qol vurub və 2 məhsuldar ötürmə verib.

Gürcü futbolçunun hazırkı klubu ilə müqaviləsi 2027-ci ilin yayına kimi qüvvədədir.