“Barselona” Kristensenlə bağlı qərar verib

“Barselona” müdafiəçisi Andreas Kristensenin gələcəyi ilə bağlı qərar verib.

Komanda.az “Mundo Deportivo”-ya istinadən xəbər verir ki, “Barsa” 2022-ci ilin yayında “Çelsi”dən azad agent kimi komandaya qoşulan danimarkalı futbolçunu satmaq istəmir.

“Barselona” yaxın gələcəkdə Kristensendən müdafiənin mərkəzində deyil, daha çox yarımmüdafiəçi mövqeyində istifadə etmək istəyir.

Kristensen Çempionlar Liqasının 1/4 finalının PSJ ilə ilk görüşündə qələbə qolunu vursa da, cəzalı olduğu üçün cavab matçını buraxıb.