Kuman qovulduğunu təyyarədə öyrənib

“Barselona”nın keçmiş baş məşqçisi Ronald Kuman Kataloniya təmsilçisindən ayrıldığını təyyarədə öyrənib.

Komanda.az xəbər verir ki, bu barədə İspaniyanın “sport.es” saytı məlumat yayıb. Xəbərdə, Kumanın La Liqanın 10-cu turunda “Rayo Valyekano”ya məğlubiyyətdən (0:1) sonra vəzifəsindən göndərilməsiylə bağlı məlumatı təyyarədə aldığı bildirilib.

Kuman rəhbərliyin belə addımına görə məyus olub. O, Kataloniya klubuna belə vida etməyi düşünməyib. Kuman klubun işçiləri və futbolçuların bəziləriylə vidalaşa bilməyib.