“Barselona” kanadalı hücumçu ilə bağlı qərar verməyə tələsmir

“Lill” klubunun hücumçusu Conatan David “Barselona”nın potensial transfer hədəflərindən biri hesab olunur.

Komanda.az xarici KİV-ə istinadən xəbər verir ki, kanadalı futbolçu mövsümün sonunda klubunu azad agent kimi tərk edəcək. Hücumçunu transfer etmək istəyənlər arasında Kataloniya nəhəngi də var.

David özü də “Barselona”da oynamaq arzusundadır. Lakin İspaniya klubu hazırda onun transferi ilə bağlı iş aparmır. Robert Levandovskinin müqaviləsi avtomatik olaraq bir il daha uzadılacaq və “Barsa” mərkəz hücumçusu mövqeyini gücləndirməyi mövsümün sonunda qərarlaşdıracaq.