“Barselona” keçmiş futbolçusundan yararlana bilər – Feliksin transferi üçün

“Barselona” “Atletiko”nun “Nitsa”nın mərkəz müdafiəçisi Yan Kler Todibo ilə maraqlanmasından faydalana bilər.

Komanda.az “Sport”-a istinadən xəbər verir ki, Kataloniya klubunun keçmiş üzvü olan fransalı futbolçunun sonrakı satışından 20 faiz pay alacağı gözlənilir. “Atletiko” “Barsa”da icarədə olan hücumçusu Joao Feliksin satışında endirim etsə, katalonlar da Todibonun satışından gələcək paydan imtina edəcək.

Feliks bu mövsümün sonuna kimi “Barselona”da icarə əsasında çıxış edəcək. Lakin kataloniyalılar transferi daimi olaraq tamamlamaq istəyir. Buna hazırda portuqaliyalı futbolçu üçün 70-80 milyon avro təzminat istəyən “Atletiko”nun istəyi mane olur.