“Barselona” ispan futbolçu üçün 47+13 milyon avro təklif edib

“Barselona” yarımmüdafiəçi Dani Olmonun transferi üçün “Leyptsiq”ə təklif göndərib. Almaniya klubu daha əvvəl ispaniyalı futbolçu üçün 60 milyon avro tələb etmişdi.

Komanda.az “Mundo Deportivo”-ya istinadən xəbər verir ki, Kataloniya klubu “Leyptsiq”ə dərhal 47 milyon, gələcəkdə isə 13 milyon avro bonus şəklində təklif edib.

“Leyptsiq” dərhal 60 milyon avro almaq istəyir, ancaq indiyə qədər Almaniya klubu “Barsa”nın təklifinə cavab verməyib.

Olmo “Barselona”ya keçməyə açıqdır, baxmayaraq ki, “Bayern” də onun xidmətində maraqlıdır.

26 yaşlı futbolçu “Barselona”nın yetirməsidir.