“Barselona” kanadalı hücumçunu transfer edə bilər

“Lill”in hücumçusu Conatan David mövsüm bitdikdən sonra komandasını dəyişə bilər.

Komanda.az xarici KİV-ə istinadən xəbər verir ki, yayda 25 yaşlı forvard uğrunda “Barselona” və “Vest Hem” yarışmağı planlaşdırır.

Daha əvvəl mediada Davidin Kataloniya klubuna keçmək istəyi ilə bağlı söz-söhbətlər yayılmışdı.

Kanadalı futbolçu bu mövsüm bütün turnirlərdə 38 matçda meydana çıxıb, 21 qol vurub və 10 məhsuldar ötürmə verib. Onun “Lill”lə müqaviləsinin müddəti gələn yaya qədərdir.