Xavi: “Barselona” ilə titullar qazanmaq istəyirəm”

“Barselona”nın baş məşqçisi Xavi Hernandes növbəti mövsüm üçün arzularından danışıb.

Komanda.az “Marca”-ya istinadən xəbər verir ki, o, növbəti mövsüm üçün Kataloniya klubunda planlar qurduğunu söyləyib:

“Yenidən yarışmağa başlaya bilmək üçün növbəti mövsümü səbirsizliklə gözləyirəm. “Barselona” ilə titullar qazanmaq istəyirəm. Mənim iddialarım çoxdur. Klub rəhbərliyi və mən növbəti mövsüm üçün planlar qururuq”.

“Barselona” İspaniya çempionatının 36 turundan sonra 79 xal toplayıb və turnir cədvəlində ikinci pillədə qərarlaşıb.