“Barselona” Premyer Liqadan futbolçu transfer edə bilər

“Barselona” transfer pəncərəsi bağlanana qədər İngiltərə Premyer Liqasından yarımmüdafiəçi ilə güclənə bilər.

Komanda.az xarici KİV-ə istinadən xəbər verir ki, Kataloniya klubu “Çelsi”dən Karni Çukvuemeka ilə maraqlanır. Bildirilir ki, “Barsa” yeni yarımmüdafiəçi almaq qərarına gəlsə, rəhbərlik Çukvuemekanı “Çelsi”dən transfer etməyə çalışacaq.

“Barselona”nın nümayəndələri artıq oyunçunun yaxınları ilə əlaqə saxlayıb. O, “Çelsi”də əsas yarımmüdafiəçi olmadığı üçün İspaniya klubuna keçməyə açıqdır.

20 yaşlı futbolçu 2022-ci ildən “Çelsi”nin rənglərini qoruyur.