“Barselona”nın futbolçuları Setyenin əvəzinə onu istəyirlər

“Barselona”nın baş məşqçisi Kike Setyenin komandadan ayrıla biləcəyini xəbər vermişdik.

Komanda.az “Mundo Deportivo”ya istinadən xəbər verir ki, Kataloniya klubunun futbolçuları da Setyenin baş məşqçi postundan ayrılmasının tərəfdarıdırlar. Məlumata görə, komanda üzvləri hazırda klubun akademiyasının direktoru vəzifəsində çalışan Patrik Kluyvertin baş məşqçi postuna gətirilməsini arzulayırlar. Futbolçular UEFA Çempionlar Liqasının 1/8 final mərhələsinin oyunlarına qədər təyinatın reallaşmasını istəyirlər.

“Barselona” turnirin bu mərhələsində “Napoli” ilə qarşılaşacaq. İlk oyun 1:1 hesablı bərabərliklə başa çatmışdı.