Həkimlərdən narazıdırlar – “Barselona”nın futbolçuları

“Barselona”nın futbolçuları klubun tibb xidmətinin fəaliyyətindən narazıdır.

Komanda.az TV3-ə istinadən xəbər verir ki, Kataloniya klubunun üzvləri, tibbi heyətin zədəli futbolçulara səhv diaqnoz qoyduğunu düşünürlər. Bildirilir ki, həkimlər komandanın hazırda zədəli olan futbolçusu Frenki de Yonqa da səhv diaqnoz qoyublar. Onun bu səbəblə Niderlandda müalicə olunmaq istədiyi bildirilir.

Daha əvvəl Samuel Umtiti və Osman Dembele də oxşar vəziyyətlə üzləşib və Qətərdə müalicə olunmağı üstün tutublar.