“Barselona” Dembeleni satmağa razılaşıb – Qiyməti də məlumdur

“Barselona” Osman Dembeleni PSJ-yə 50 milyon avroya satmağa razılaşıb.

Müqaviləyə əsasən, Dembelenin 50 milyon avroya sərbəst qalma məbləği avqustun 1-dən iki dəfə artırılmalı idi.

Bununla belə, Komanda.az “Mundo Deportivo”-ya istinadən xəbər verir ki, Dembele ilə “Barselona” arasında şifahi razılıq var. Ona görə də, Dembele iyulun 31-dən əvvəl ayrılmaq niyyətini açıqlayacağı təqdirdə, Kataloniya klubu onu 50 milyon avroya buraxacağına söz verib.

Məlumatda qeyd olunur ki, “Barselona” hələ də Dembele üçün PSJ-dən 50 milyon avrodan çox alacağını gözləyir. Çünki müqavilənin şərtlərinə görə, klub bu məbləğin cəmi 25 milyon avrosunu alacaq, qalan yarısı Dembeleyə gedəcək.

26 yaşlı futbolçu ötən mövsüm 35 oyunda 8 qol vurub və 9 məhsuldar ötürmə edib.