“Barselona” güzəştə getməyəcək – Dembele məsələsində

“Barselona”nın hücumçusu Osman Dembele üçün yaxşılaşdırılmış müqavilə təklif etmək planı yoxdur.

Komanda.az “Goal”-a istinadən xəbər verir ki, Kataloniya klubu 25 yaşlı futbolçuya ya hazırkı təklifi qəbul etməli olduğunu, ya da komandadan ayrıla biləcəyini bildirib.

Daha əvvəl bildirilmişdi ki, Dembele yüksək maaş istədiyi üçün klubun müqavilənin uzadılması təklifi onu qane etməyib.

Fransalı vingerin “Barselona” ilə hazırkı müqaviləsi bu il iyunun 30-da başa çatır. Onunla PSJ, “Yuventus” və “Çelsi” maraqlanır.

Dembele ötən mövsüm “Barselona”nın heyətində bütün turnirlərdə 32 oyunda 2 qol vurub və 13 məhsuldar ötürmə edib.

Bizi Telegramda izləyin