“Barselona” bu göstərici ilə hamıdan üstündür

“Barselona” Hans-Diter Flikin rəhbərliyi altında göstərdiyi performansla futbol ictimaiyyətini heyran edir.

Komanda.az “Barca Universal”-a istinadən xəbər verir ki, kataloniyalılar hazırkı qol nisbətini mövsümün sonuna qədər qoruyub saxlasa, çempionatı 127 qolla başa vuracaq.

Flikin komandası La Liqanın 12 turundan sonra rəqib qapılarına 40 dəfə yol tapıb – orta hesabla hər oyuna 3,3 qol. Bu göstəriciyə İspaniya La Liqasında heç kim nail olmayıb. “Barselona” son turda doğma meydanda “Espanyol”a qalib gəlib (3:1).

Kataloniya komandası La Liqanın növbəti turunda səfərdə “Real Sosyedad”la qarşılaşacaq.