“Barselona” Rafinya üçün təklif gözləyir

“Barselona” rəhbərliyi yay transfer pəncərəsində braziliyalı yarımmüdafiəçi Rafinya ilə yollarını ayırmağa hazırdır.

Komanda.az “The Athletic”-ə istinadən xəbər verir ki, futbolçu üçün təxminən 60 milyon avro təklif etsələr, “Barsa” onunla vidalaşacaq.

Səudiyyə Ərəbistanı çempionatının klubları Rafinyanın xidmətində maraqlıdır.

Rafinya 2022-ci ilin yayından Kataloniya komandasında çıxış edir. 27 yaşlı futbolçu ötən mövsüm İspaniya çempionatında 28 matçda iştirak edib, 6 qol vurub və 9 məhsuldar ötürmə verib.