Ərəblər “Barselona”nın futbolçusunun ətrafı ilə əlaqə saxlayıb

Səudiyyə Ərəbistanı klubları “Barselona”nın vingeri Rafinya Dias uğrunda mübarizəni davam etdirir.

Komanda.az xarici KİV-ə istinadən xəbər verir ki, Səudiyyə Ərəbistanı klublarının nümayəndələri avqustda transferin mümkünlüyünü öyrənmək üçün braziliyalı futbolçunun ətrafı ilə əlaqə saxlayıb.

“Barselona” Rafinyanı satmağa açıqdır, lakin o, özü daha bir mövsüm burda qalmaq və Hans-Diter Flikin rəhbərliyi altında özünü sübut etmək arzusunu ifadə etmişdi. Yaxın gələcəkdə vəziyyət dəyişə bilər.

27 yaşlı futbolçu İspaniya çempionatının son mövsümündə 28 matçda 6 qol vurub, 9 məhsuldar ötürmə edib.