“Barselona” argentinalının transferindən imtina edə bilər

“Betis”in yarımmüdafiəçisi Quido Rodriges yayda “Barselona”ya keçməyə bilər. 

Komanda.az xarici KİV-ə istinadən xəbər verir ki, kataloniyalılar 30 yaşlı futbolçunu azad agent kimi almağa yaxın idi. Amma baş məşqçi Xavi ilə bağlı hazırkı vəziyyətə görə Rodrigesin transferi baş tutmaya bilər.

Xatırladaq ki, ispaniyalı mütəxəssis “Almeriya” ilə oyunöncəsi mətbuat konfransında “Barselona”nın gələcəyi ilə bağlı dediyi bədbin fikirlərə görə yaxın vaxtlarda qovula bilər. 

Rodrigesin transferinin təşəbbüskarı məhz Xavi olub. Baş məşqçi qovulsa, rəhbərlik argentinalı futbolçunu transfer etmək fikrindən daşına bilər.