“Barselona” anlaşdığı futbolçu ilə müqavilə bağlamaya bilər

“Betis”in yarımmüdafiəçisi Quido Rodriges yay transfer pəncərəsində “Barselona”ya keçməyə bilər.

Komanda.az “Mundo Deportivo”-ya istinadən xəbər verir ki, müqavilənin bağlanmasında problemlər var. Bildirilir ki, Rodriges və “Barselona” arasında ilkin razılıq əldə olunub. Lakin bu anlaşma pozula bilər.

“Barsa” hələ ki, argentinalı futbolçuya onu növbəti mövsüm üçün qeydiyyatdan keçirəcəklərinə zəmanət verə bilməz. Problem “Barselona”nın maliyyə çətinlikləridir.

30 yaşlı yarımmüdafiəçinin karyerasını davam etdirmək üçün başqa variantları da var.