“Real” “Xetafe” səfərindən 1 xalla döndü

04/26/2019 | 01:21

İspaniya La Liqasında 34-cü tura yekun vurulub.

Komanda.az xəbər verir ki, ilk oyun günündə 3 qarşılaşma keçirilib. Lider “Barselona” “Alaves” səfərinə yollanıb. Kataloniya təmsilçisi bu oyundan inamlı qələbə ilə ayrılıb.

Turun maraqla gözlənilən qarşılaşmasında “Atletiko” doğma azarkeşləri qarşısında “Valensiya”nı qəbul edib. Madrid təmsilçisi bu oyunda uduzsaydı, “Barselona”nın çempionluğunu təmin etmiş olacaqdı. Amma beş qolluq qarşılaşma meydan sahiblərinin qələbəsiylə başa çatıb.

“Real” bu turda Çempionlar Liqasına getmək üçün mübarizə aparan “Xetafe”nin qonağı olub. Tərəflər bu oyundan qolsuz ayrılıblar. “Sevilya” isə doğma meydanda “Rayo Valyekano”ya 5 cavabsız qolla qalib gəlib.

İspaniya La Liqası, 34-cü tur

23 aprel

Hueska – Eybar 2:0
Qol: Qalleqo, 54. Avila, 57.

Valyadolid – Jirona 1:0
Qol: M.Herrero, 67.

Alaves – Barselona 0:2
Qol: Alena, 54. L.Suares, 60-pen.

24 aprel

Atletiko – Valensiya 3:2
Qol: Morata, 9. Qrizmann, 49. Korrea, 81 – Qameyro, 36. Parexo, 77-pen.

Espanyol – Selta 1:1
Qol: Lei, 33 – M.Qomes, 72.

Leqanes – Atletik 0:1
Qol: En Nesiri, 43-öz qapısına.

Levante – Betis 4:0
Qol: Kampana, 9. Moron, 32-öz qapısına. Morales, 56-pen. Koke, 81.

25 aprel

Sevilya – Rayo Valyekano 5:0
Qol: Promes, 55. El Haddadi, 57; 62. Ben Yedder, 69. Salvatierra, 86.

Real Sosyedad – Vilyarreal 0:1
Qol: Moreno, 85.

Xetafe – Real 0:0