“Barselona” aparıcı oyunçusunu saxlayacaq

“Barselona”nın müdafiəçisi Ronald Arauxo klubu ilə yeni müqavilə bağlaya bilər.

Komanda.az xəbər verir ki, bu barədə “Mundo Deportivo” nəşri məlumat yayıb.

Uruqvaylı futbolçu Hans-Diter Flikin baş məşqçi təyin olunmasından sonra komandanın inkişafını bəyənir. O, çox güman ki, kataloniyalılarla yeni sözləşmə imzalayacaq.

25 yaşlı müdafiəçi 2020-ci ilin oktyabrından “Barsa”da çıxış edir. Tərəflər arasında hazırkı müqavilə 2026-cı ilin yayında başa çatacaq.

“Barselona” 9 turdan sonra 24 xalla La Liqanın turnir cədvəlinə başçılıq edir.