“Barselona”nın Premyer Liqa klublarında “qaraladığı” 2 futbolçu

“Barselona” yayda “Liverpul”un yarımmüdafiəçisi Nabi Keytanı və “Kristal Pelas”ın hücumçusu Vilfrid Zahanı transfer etmək istəyir.

Komanda.az “sport.es”-ə istinadən xəbər verir ki, adıçəkilən futbolçuların hazırda çıxış etdikləri klublarla müqavilələri cari mövsümün sonunda başa çatacaq. Kataloniya təmsilçisi onları azad agent kimi heyətinə cəlb etmək fikrindədir.

Keyta 2022/23 mövsümündə Mersisayd təmsilçisinin heyətində bütün turnirlər daxil olmaqla 13 oyuna çıxıb. Zaha isə “Kristal Pelas”ın heyətində 25 oyuna çıxıb, altı qol vurub və üç məhsuldar ötürmə edib.